Внатрешен мир: Искуство на умот и телото

Длабокиот одмор искусен во текот на Трансценденталната Медитација го релаксира телото и му овозможува да го ослободи стресот и заморот.

Кога вашиот нервен систем е помалку напнат, можете посмирено да реагирате на проблемите што се јавуваат. Не е доволно да се посветите на постигнување на внатрешен мир. Мора да го искусите во својата физиологија.

Додадете медитација во вашата дневна рутина

Вистинскиот внатрешен мир е чувство на смиреност и фокусираност (присебност) кои се потребни за да се биде ефективен во денешното напорно секојдневие. Во спортот, тоа го нарекуваат „Зоната", кога атлетите постигнуваат врвни резултати истовремено останувајќи смирени и со целосен преглед на ситуацијата. Не морате да се искачите на врвот на некоја планина за да најдете внатрешен мир. Само практикувајте Трансцендентална Медитација двапати на ден.

Со додавање на смирувачкото дејство од Трансценденталната Медитација во вашето секојдневие, внатрешниот мир лесно се зголемува. Тоа е слично со традиционалниот начин на боење на платно: наизменично се натопува во боја и се остава на сонце повеќе пати се додека не се добие поинтензивна боја. На истиот начин, наизменичното практикување на ТМ и на секојдневните активности, брзо нè доведува во состојба во која стресните искуства веќе не можат да ја пореметат нашата смиреност. Без разлика со какви проблеми се соочувате, истите ги решавате со силна и стабилна состојба на умот.