-
КОНТАКТИРАЈТЕ НЀ
Јавете се на +389 78 334 333 за да зборувате со сертифициран ТМ учител или пополнете го формуларот подолу за повеќе информации
Национален Директор - Ана Филиповска
на Филиповска научи ТМ на возраст од 14 години и стана учител по TM во април 2013 година. Нејзините родители и нејзината сестра, исто така, долг период практикуваат ТМ. Ана има дипломирано како Архитект инженер на Универзитетот Свети Кирил и Методиј во Скопје. Таа го продолжи своето образование на MIU - Махариши Интернационален Универзитет во Холандија и се здоби со титулата Лиценциран Махариши Васту Архитект. Махариши Васту (Махариши Стапатја Веда) претставува древен систем за планирање и градење кој се базира на природниот закон. Ана предава ТM во Македонија и Норвешка, каде што исто така држи часови по Јога Асани, предавања и курсеви за продлабочено знаење од областа на Ведите. Ана е фасцинирана од Махариши Ајурведа , древен и природен здравствен систем кој се базира на превенција и се има здобиено со длабоки теориски знаења но исто така и со практична апликација. Целта на Ана е да ја подигне колективната свест на лугето со тоа да го зголеми квалитетот на животот.
Сертифициран учител - Ева Филиповска
Ева Филиповска ја научи техниката на ТM на 19 годишна возраст. Има дипломирано на Филолошкиот Факултет во Скопје, при Универзитетот Свети Кирил и Методиј, на одделот за Германски јазик и книжевност. По девет годишно работно искуство во бизнис секторот, поточно во една од водечките индустрии за автомобилски делови во Македонија, решава да стане сертифициран учител по ТM, инспирирана од своите родители и сестра, како и од своето сопствено искуство за придобивките од оваа техника. Курсот за учители по ТM успешно го завршува во Февруари 2017 година, и моментално држи предавања и курсеви во Центарот за примена на ТM во Скопје, Македонија. Има желба да го продлабочи и збогати своето познавање за Ведската наука, и нејзината цел е што повеќе луѓе да ја научат техниката на Трансцендентална медитација во Македонија за да можат да уживаат во придобивките на секој план во животот, за целосен развој на сопствениот потенцијал на едноставен и природен начин.
Сертифициран учител - Мартина Сотировска
Мартина е двоен магистер по право. Откако магистрираше деловно право на Универзитетот Св. Кирил и Методиј" во Скопје, Македонија, таа доби втор магистер по човекови права и меѓународно право на најпрестижниот Правен факултет во континентална Европа – Универзитетот во Фрибург во Швајцарија. Преку сопствената практика и искуство, таа откри дека програмата за трансцендентална медитација е најдлабокиот начин за природно исполнување на сите човекови права. Кога едно лице е исполнето во секој аспект од својот живот, тој или таа спонтано ја достигнува целта на секое човеково право - а тоа е да го реализира својот целосен човечки потенцијал - и со тоа максимално да придонесува со секоја своја мисла и акција за идеално општество, хармонија меѓу народите и постојан светски мир.
