Трансцендирањето е основата за просветлување

Вообичаено во текот на денот, ние го доживуваме интензивното и активното секојдневно ниво на размислување. Кога практикуваме Трансцендентална Медитација, доживуваме состојба во која умот е целосно мирен, а сепак широко буден.

Трансцендира значи "оди преку", и трансцендентална состојба имаме кога умот оди, преминува преку секоја активност. Тоа е доживување на внатрешното Себство, искуство на совршен мир.
Трансцендирањето е природно и универзално искуство, познато на сите култури, но сепак, тоа се случува ретко и најчесто случајно. Трансценденталната Медитација обезбедува систематски метод за трансцендирање кој што секој може да го практикува.
Без искуството на трансцендирање, ние имаме пристап само до константно променливата фаза на животот. Нашите мисли, емоции, планови, сеќавања - сè постојано се менува. Според тоа, не треба да нè чуди тоа што сè повеќе се чувствуваме разделени и изолирани од непроменливиот внатрешен квалитет на животот - Себството.
Луѓето често кажуваат дека откако научиле Трансцендентална Медитација, се чувствуваат поповрзани, дека се едно со себе си, поисполнети и посреќни.

Просветлување

„Просветлувањето е нормална, природна состојба на здравје за телото и умот. Доаѓа како резултат на целосниот развој на свесноста и зависи од совршеното и хармонично функционирање на секој дел од телото и нервниот систем. Кога некој го користи целосниот потенцијал на умот и телото на овој начин, секоја мисла и акција е спонтано исправна и го поддржува животот. Тоа е живот ослободен од страдање, живот живеен во неговата целосна големина и смисла".

Махариши

Желбата да се спознаеш себе си

Желбата да се спознаеш себе си и да ја разбереш својата поврзаност со универзумот е природна. Со векови, таа ги инспирирала светците и мудреците да се свртат кон внатре барајќи просветлување. Кога повеќето луѓе се распрашуваат за Трансценденталната Медитација, тие ги бараат едноставните, практичните и секојдневните придобивки што се добиваат со практикување.
Сепак има и такви кои сакаат да научат Трансцендентална Медитација од причини кои тешко се изразуваат со зборови, како на пример, за себе-спознание, свесност за себе си, внатрешен мир, духовен развој и просветлување. Сите тие се еднакво важни причини за учење и се, во извесна смисла, точно тоа што Трансценденталната Медитација го обезбедува.
Трансценденталната Медитација обезбедува пристап до длабоката тишина на внатрешното Себство кое што е длабоко во секого. Со редовна практика, мирот и блаженството на тоа внатрешно искуство природно се интегрира во секојдневниот живот, а тоа води до просветлен живот со целосно развиено срце, ум и душа.

„Што е просветлување?" (6 мин.) Махариши

Што велат докторите

Стресот и мозокот

 

Научни истражувања

Интеграција на личноста

Интелигенција, креативност и учење

Ефикасност и продуктивност

Направете го првиот чекор

Контактирајте нè

Lynette Jones

 
Линет Џонс

Асистент за лицата со оштетен вид

„Кога мајка ми почина бев во потрага по нешто во мојот живот и навистина не знаев каде да барам. Сосема случајно, една моја пријателка организираше уводно предавање за Трансцендентална Медитација во нејзиниот дом, па успеав да го убедам сопругот да присуствуваме, и од тогаш не сме погледнале назад кон минатото. Трансценденталната Медитација ги промени нашите животи на подобро, духовно и материјално. Најдовме рамнотежа, благодарност и мир, и се чини дека сето тоа се одрази на нашиот приватен живот и работата. Посакувам што повеќе луѓе да ги откријат чудесните придобивки од практикувањето Трансцендентална Медитација".